Monday, June 24, 2024
spot_img

Mass, class, all those who love Amma love Rudrud: Raghava Lawrence

మాస్, క్లాస్, అమ్మని ఇష్టపడే వాళ్ళంతా రుద్రుడ్ని ఇష్టపడతారు: రాఘవ లారెన్స్

మాస్, క్లాస్, ఫ్యామీలీస్ అందరికీ నచ్చే సినిమా రుద్రుడు. అమ్మని ఇష్టపడే వాళ్ళంతా రుద్రుడ్ని ఇష్టపడతారు: రాఘవ లారెన్స్

యాక్టర్ -కొరియోగ్రాఫర్-ఫిల్మ్ మేకర్ రాఘవ లారెన్స్ హీరోగా కతిరేసన్ దర్శకత్వంలో రూపొందిన యాక్షన్ ఎంటర్ టైనర్ ‘రుద్రుడు తెలుగు, తమిళ భాషల్లో విడుదల కానుంది. లారెన్స్ సరసన ప్రియా భవానీ శంకర్ కథానాయికగా నటిస్తుండగా, శరత్ కుమార్ కీలక పాత్రలో కనిపించనున్నారు. ఫైవ్ స్టార్ క్రియేషన్స్ ఎల్ ‌ఎల్‌ పి ఈ చిత్రాన్ని నిర్మిస్తుండగా, కతిరేశన్ సమర్పకులుగా వ్యవహరిస్తున్నారు. పిక్సెల్ స్టూడియోస్‌ ప్రొడ్యూసర్ ఠాగూర్ మధు ఈ సినిమాని తెలుగు రాష్ట్రాలలో విడుదల చేస్తున్నారు.  ఇటివలే విడుదల చేసిన థియేట్రికల్ ట్రైలర్‌ కు ట్రెమండస్ రెస్పాన్స్ వచ్చింది. రుద్రుడు ఈ నెల 14న ప్రపంచవ్యాప్తంగా గ్రాండ్ విడుదల కానున్న నేపధ్యంలో రాఘవ లారెన్స్ చిత్ర విశేషాలని పంచుకున్నారు.

దర్శకుడు  కతిరేసన్ రుద్రుడు కథ చెప్పినపుడు మిమ్మల్ని ఆకర్షించిన అంశాలు ఏమిటి ?

మీ అందరికీ తెలుసు నాకు అమ్మ అంటే చాలా ఇష్టం. రుద్రుడు మదర్ సెంటిమెంట్ ఫిల్మ్. అలాగే నేను ప్రతీ సినిమాలో ఏదో ఒక మంచి సందేశం చెబుతాను. రుద్రుడులో అమ్మా నాన్నల గురించి ఓ మంచి సందేశం వుంది. అలాగే నాకు కావాల్సిన యాక్షన్, కామెడీ, ఫన్, రోమాన్స్ అన్నీ కుదిరాయి. మాస్.. క్లాస్.. ఫ్యామిలీస్ ఇలా అన్నీ వర్గాల ప్రేక్షకులను అలరించే కంటెంట్ బేస్డ్ సినిమా రుద్రుడు. అమ్మని ఇష్టపడే వాళ్ళంతా రుద్రుడ్ని ఇష్టపడతారు. 

రుద్రుడు లో మీ పాత్ర ఎలా వుండబోతుంది? ఇప్పటివరకూ చేసిన పాత్రలకి దీనికి ఎలాంటి వైవిధ్యం వుంది?

ఇందులో ఒక కామన్ మ్యాన్ గా కనిపిస్తా. జీవితంలో ఒక సమస్య తలెత్తుతుంది. ఇది సహజంగా జరుగుతుందని భావిస్తున్న సమయంలో… కాదు ఎవరో కావాలని చేస్తున్నారని తెలుస్తుంది. అలాంటి సందర్భంలో ఆ సామన్యుడు ఎదురు తిరిగితే ఎలా వుంటుందనేది నా పాత్ర. సామాన్యంగా నేను చేసే పాత్రల్లో మాస్ వుంటుంది. ఇందులో మాత్రం ఐటీ ఉద్యోగం చేసే ఒక కామన్ మిడిల్ క్లాస్ కుర్రాడిలా కనిపిస్తా. అలాంటి మిడిల్ క్లాస్ అబ్బాయిని పరిస్థితులు ఎలా మాస్ గా మార్చాయి? అనేది ఇందులో చాలా ఆసక్తికరంగా వుంటుంది.

ముని, కాంచన చిత్రాలు ప్రేక్షకులకు గొప్ప థ్రిల్ ని ఇచ్చాయి.. రుద్రుడు ఎలాంటి అనుభూతిని ఇస్తుంది ?

కాంచనలో వున్న థ్రిల్ రుద్రుడులో కూడా వుంటుంది. అయితే అది వేరే విధంగా వుంటుంది. కాంచనలో వున్న ఎంటర్ టైన్ మెంట్, మాస్ ఎపిసోడ్స్ రుద్రుడులో వుంటాయి. అలాగే యాక్షన్ కి చాలా ఇంపార్టెన్స్ వుంటుంది. మాస్ అంటే ఎమోషన్. ఎమోషన్ ఉంటేనే మాస్ వస్తుంది. రుద్రుడులో ఎమోషన్ ని బాగా నమ్ముతున్నాను. ఇది వందశాతం రీచ్ అవుతుంది.

మీది, ఠాగూర్ మధు గారిది హిట్ కాంబినేషన్.. ఇప్పుడు మళ్ళీ రుద్రుడుతో రావడం ఎలా అనిపిస్తుంది ?

మధు గారు నాకు లక్కీ ప్రొడ్యూసర్. ఆయనతో వర్క్ చేయడం చాలా సంతోషం. నా మీద ఆయనకి చాలా నమ్మకం. ఆ నమ్మకాన్ని రుద్రుడు మరోసారి నిలబెట్టుకుంటుంది. ఆయన మళ్ళీ నా లక్కీ ప్రొడ్యూసర్ అని ప్రూవ్ అవుతుంది.

కొత్త దర్శకుడు కతిరేసన్ గారితో పని చేయడం ఎలా అనిపించిది ?

కతిరేసన్ గారు నిర్మాత కూడా. ఒక కథ తీసుకొచ్చి దర్శకత్వం చేస్తానని చెప్పారు. నాకు కథ చాలా నచ్చింది. నన్ను కొత్తగా చూపించాలనే తపన నాకు బాగా నచ్చింది. నేను మాస్, డాన్ సినిమాలు చేసినప్పుడు ఒక కేటగిరీ. కాంచన టచ్ చేసిన తర్వాతే అదే నాలుగు పార్టులుగా వచ్చింది. దాని నుంచి బయటికి రావాలంటే మంచి కంటెంట్ కావాలి. అలాంటి మంచి కంటెంట్ తీసుకొచ్చారు. ఇద్దరం అనుభవాలని పంచుకొని సినిమాని చాలా ఫ్రండ్లీ గా చేశాం.

రుద్రుడు పాటలన్నీ సూపర్ హిట్ అయ్యాయి.. జీవి ప్రకాష్ కుమార్ గారి వర్క్ గురించి ?

జీవీ ప్రకాష్ కుమార్ గారితో పనిచేయడం ఇదే మొదటిసారి. నాకు మంచి మెలోడి కావాలని అడిగాను. నా ప్రతి సినిమాలో మాస్ పాటలతో పాటు మంచి మెలోడి సాంగ్స్ వుంటాయి. అలాగే ఇందులో రెండు మెలోడి పాటలు సూపర్ గా ఇచ్చారు. క్లైమాక్స్ ఎమోషనల్ సాంగ్ సూపర్ గా చేశారు.  రీమిక్స్ పాటకూడా అద్భుతంగా చేశారు. అలాగే నేపధ్య సంగీతం సామ్ సి ఎస్ చేశారు. చాలా ఎక్స్ టార్డినరీగా వచ్చింది. ప్రేక్షకులు చాలా ఎంజాయ్ చేస్తారు.

మీ సినిమాల్లో డ్యాన్సులకు ప్రత్యేక స్థానం వుంటుంది.. రుద్రుడులో డ్యాన్సులు ఎలా వుంటాయి ?

ఓపెనింగ్ సాంగ్ లో మాంచి డ్యాన్స్ వుంటుంది. అలాగే రెండు మెలోడి పాటల్లో కూడా డ్యాన్స్ వుంటుంది.

ఇందులో ప్రియా భవాని శంకర్ పాత్ర ఎలా వుండబోతుంది ?

ఇందులో హీరోయిన్ పాత్ర కూడా చాలా సెంటిమెంట్ తో వుంటుంది. ప్రియా భవాని శంకర్ చేసే సినిమాలు దాదాపు హోమ్లీగా వుంటాయి. ఈ కథకు, పాత్ర కు తను సరైన ఎంపిక. ఈ సినిమాకు ఆమె చాలా ప్లస్.

ట్రైలర్ చూస్తున్నపుడు శరత్ కుమార్ గారి పాత్ర చాలా పవర్ ఫుల్ గా కనిపించింది ? 

కాంచన చేసినప్పుడే శరత్ కుమార్ గారు నాకు లక్కీ. ఇందులో విలన్ పాత్ర గురించి విన్నపుడు శరత్ కుమార్ గారు ఉంటేనే బావుంటుందని అనుకున్నాను. ఈ పాత్రకు పవర్ ఫుల్ పర్సన్ కావాలి అలాగే యాక్షన్ కూడా చేయాలి. ఈ రెండూ శరత్ కుమార్ గారు అద్భుతంగా చేస్తారు. నా పాత్ర ఎంత పవర్ ఫుల్ గా వుంటుందో.. శరత్ కుమార్ గారి పాత్ర కూడా అంతే పవర్ ఫుల్ గా వుంటుంది.

రుద్రుడు లో యాక్షన్ ఎంత పవర్ ఫుల్ గా వుండబోతుంది ?

అఖండ ఫైట్స్ నాకు చాలా నచ్చాయి.  బాలయ్య బాబు గారు అద్భుతంగా యాక్షన్ చేశారు. యాక్షన్ కోసమే సినిమా మూడు సార్లు చూశాను. ఆ ఫైట్ మాస్టర్ కావాలని చెప్పాను. శివ మాస్టర్ ఈ కథకు తగ్గట్టు యాక్షన్ ని అద్భుతంగా డిజైన్ చేశారు. ప్రతి ఫైట్ లో ఒక ఎమోషన్ వుంటుంది.

READ IN ENGLISH

Related Articles

- Advertisement -spot_img

Latest Articles